今日.....係嫲嫲大殮既日子.. 一切都來得好突然..... 有邊個會估到一星期前入醫院...一星期後會係殯儀館出現..... 記得一星期前嫲嫲一早打電話比我....佢好辛苦..然後我就通知我既屋企人... 到左第二日...嫲嫲做左手術...情況好轉.. 到左第四日凌晨....媽媽接到電話....話嫲嫲就來唔得.... 當日早上...我地全家都係醫院陪嫲嫲..... 到左事後......我先知原來嫲嫲個一晚痛左成晚......佢竟然係怕吵醒我地....所以無打比我地.... 佢好為我地著想.....忍左一晚.. 到左做手術...醫生已經知道嫲嫲既右心室已經壞死... 所有事都無人預計到....嫲嫲一向都健康....更加無心臟病 ---------------------------------------------------------------------------------------------- 或者有d野唔係我控制範圍以內 但係如果我地緊謹一點...關心多一點..或者可以挽救.. 呢件事對我來講係一個遺憾..重記得上一年我同嫲嫲講.....我放暑假就會同你去飲茶.......... 最後我因為好多既籍口而無做到..... 我媽媽同我講過.......佢話嫲嫲問我幾時同佢去飲茶..... 原來佢重記得......當時我只係隨口講一句....原來對嫲嫲來講係一個承諾... 我曾經同自己講過....考完會考我就會陪嫲嫲去....點解你咁都唔等我..... 到佢百年歸老既時候就算我去拜祭一百次都補償唔到.....因為我根本就唔知佢知唔知到... 歲月不僥人..係我學到既野.... 要來既時候就會來......要走亦無人留得住... 有好多時我地以為將所有野安排好既時候...意料之外就會係呢個時侯發生..... 唔係每一個人都可以等到你安排好所有既事 我無左個嫲嫲....得到既係教訓... 依家我唔會再聽到嫲嫲既電話..無得食佢煮既野.....無得去拜年...無得做節..................... 今日企係嫲嫲隔離....佢個樣好慈祥....好安祥.....好靚...我一個人睇佢都唔驚... 我永遠都會掛住你... 再見了...嫲嫲 | 
我個口大過佢la...
車..差少少就高過佢la= =
hehe^^ 
